What Is Love? Sacrifice and Adjustment or Something More:- Everyone has their own perspective on love. Some people say love is sacrifice, while others believe it is adjustment. What the truth really is, I don’t know. Perhaps the meaning of love is different for every person. ❤️
Kal meri Buaa aur Fufa Ji ki anniversary thi. Unki shaadi ko 19 saal ho chuke hain. Aur un dono ko dekhkar mujhe pyar aur rishte ke baare me bahut kuch samajh aaya.
Fufa Ji ka nature thoda alag hai. Unhe aaj ke time wale birthday, anniversary celebrations, cake cutting ya social media wale pyar me zyada interest nahi hai. Wo un logon me se nahi hain jo subah uthkar “Happy Birthday Meri Jaan” ya lambi romantic posts likhen.
Sach kahun to anniversary par bhi cake cutting tab hui jab hum sab ne bahut insist kiya.
Dusri taraf meri Buaa thodi alag hain. Unhe ye sab pasand hai. Unhe ghoomna-phirna bhi accha lagta hai, jabki Fufa Ji ko nahi. Dono ek dusre se kaafi alag hain.
Kabhi-kabhi Fufa Ji unhe daant bhi dete hain ya mana kar dete hain. Lekin maine aaj tak Buaa ko unki baat ka bura maante nahi dekha. Wo bas muskura deti hain. Maybe it’s because they have complete faith in the foundation of their relationship.
Fufa Ji ko shayad aaj ke time wala pyar samajh na aaye, lekin rishte nibhana bahut acche se aata hai. Agar koi anjaan insaan bhi unse mile, to kabhi akela mehsoos nahi karega. Wo uski care karenge, uski baat sunenge aur usse apna mehsoos karayenge.
Aur yahi cheez meri Buaa me bhi hai.
Mujhe lagta hai un dono me sabse common baat ye hai ki unhe rishte nibhana aata hai.
Their relationship isn’t built on conditions like, ‘If you do something for me, then I’ll do something for you.
What Is Love? Sacrifice and Adjustment or Something More?
What Is Love? Sacrifice and Adjustment or Something More? ( Relationships Need Effort )
Purane time me divorce itna common nahi tha. Main ye nahi keh rahi ki sab perfect tha. Lekin log rishte ko bachane ki koshish karte the.
Aaj ke time me shaadi karna aasaan hai, lekin shaadi nibhana mushkil hota ja raha hai.
Aaj bahut se log Married hote hue bhi affairs hain. It has so common that people have started considering it normal.
Agar hum apne parents ko dekhein, to aisa nahi hai ki unke beech kabhi ladai nahi hui. Jab wo young the, tab bhi bahut arguments aur problems hui hongi.
Meri Mummy hamesha kehti hain:
“Rishta tabhi chalta hai jab kisi ek waqt par koi ek chup rehe . Agar har baar ladai me dono hi jeetne ki koshish karenge, to rishta nahi chalega.”
Main ye nahi keh rahi ki galat baat par bhi chup raho. Lekin har ladai me jeetna bhi zaroori nahi hota.
Nowadays, I feel that people are more interested in the benefits of love than in love itself.
My classmate had a friend who had been dating a girl for 6 years. Whenever his friends asked him when he was going to get married, he would reply
“Jab sab kuch bina shaadi ke mil raha hai, to shaadi ki kya zarurat hai?”
Aur dukh ki baat ye hai ki ye sirf ek insaan ki soch nahi hai. Bahut log aaj isi tarah sochte hain.
Sabko relationship chahiye, sabko live-in ya room share karna hai, lekin commitment aur responsibility se log door bhaag rahe hain.
Sometimes I wonder, don’t these people have sisters of their own?
Every day, we hear about rape cases in the news. But what about those who are exploited, deceived, and emotionally harmed in the name of love?
Jinke baare me koi kuch keh bhi nahi sakta.
Kyuki kahin na kahin galti hamari bhi hoti hai. Hum pyar me itne andhe ho jaate hain ki saamne wale ki Intention ko samajh hi nahi paate.
Mujhe lagta hai jo insaan shaadi se pehle sirf tumhare kapde utarne ki jaldi me ho, wo kabhi mandap tak nhi pahunchega.
What Is Love? Sacrifice and Adjustment or Something More?
What Is Love? Sacrifice and Adjustment or Something More? ( Does love mean only sex? )
Purane time me ladkiyon ko itni freedom nahi thi. Aaj freedom badhi hai, jo bahut acchi baat hai.
Lekin freedom ke saath depression, loneliness aur emotional pain bhi badha hai.
Main ye nahi keh rahi ki sab galat hai.
Lekin sab theek bhi nahi hai.
Maine 8 saal purane rishte toot-te dekhe hain.
Aur mujhe aaj tak samajh nahi aata ki itna waqt kisi ke saath bitane ke baad log ek dusre ko kaise chhod dete hain.
Mujhe lagta hai jo pyar sirf kisi ko dekhkar, uski beauty ya attraction se shuru hota hai, wo aksar kuch time baad khatam ho jata hai.
Kyuki agar rishta sirf attraction aur sex par start Hua Hai, to ek waqt ke baad usme dene ke liye kuch bachta hi nahi.
Fir log sochne lagte hain:
“Mujhe is rishte se mil kya raha hai?”
Aur wahi se rishta tootna shuru ho jata hai.
Lekin jo rishta kisi ke nature, uski baaton, uski respect aur uske character se shuru hota hai…
Us rishte me bahut kuch hota hai.
Do log ek dusre ki growth me help karte hain.
Problems me saath khade rehte hain.
Ek dusre ko samajhte hain.
Aur sabse important baat…
Hume pata hota hai ki agar zindagi me kabhi mushkil aayi, to koi hai jo hume sambhal lega.
Har rishte me ladai hoti hai.
Sabse acche rishte me bhi hoti hai.
Aur shayad ladai hona bhi zaroori hai.
Kyuki tabhi hume ek dusre ki value samajh aati hai.
Kisi ne sahi kaha hai:
“Rishta chalane ke liye ek reason hi kaafi hota hai, aur todne ke liye bhi ek reason hi kaafi hota hai.”
Bas faisla hume karna hota hai.
Agar tumhare paas kisi ko chhodne ke hazaar reasons hain, lekin tum uske saath rehne ka ek reason dhoond lete ho…
Then maybe that is what true love is.
Lekin agar tumhare paas uske saath rehne ke hazaar reasons hain, aur phir bhi tum door jaane ka ek bahana dhoond rahe ho…
To shayad wo pyar nahi, sirf time pass tha.
Leave a Reply