Sometimes It Feels Like I’m Still Living in the Past

Sometimes It Feels Like I’m Still Living in the Past:– Kabhi-Kabhi Ek Choti Si Baat Bhi Hume Past Mein Le Jaati Hai

Aaj mere ek friend ne mujhe ek baat boli jo shayad pehli baar kisi ne itni honestly boli thi.

Usne kaha,

“Tu past mein bahut rehti hai.”

Pehle to mujhe laga ki nahi, aisa thodi hai.

Lekin phir jab maine khud ke baare mein socha, to laga ki shayad woh sahi keh raha tha.

Mujhe jab bhi kisi baat ka bura lagta hai, ya koi situation mere control se bahar ho jaati hai, to mera mind turant past mein chala jaata hai.

Main un logon ke baare mein sochne lagti hoon jinhone mujhe hurt kiya. woh itna bura kaise ho sakta hai, maine uska kya bigaada tha.

Before I even realize it, a small thing turns into something much bigger, and I find myself drifting back into the past all over again.”

Kal hi ki baat hai.

Baat bahut choti si thi.

Lekin meri overthinking ne use itna bada bana diya ki main phir se us insaan ke baare mein sochne lagi jo shayad is layak bhi nahi hai ki main uske baare mein ek minute bhi sochu.

Poora din udaas rahi.

Raat bhar roti rahi.

Aur phir aaj RK ki baat ne mujhe sochne par majboor kar diya.

Shayad main sach mein past ko bahut zyada importance deti hoon.

Waise RK ko samajhna bhi interesting hai.

Kabhi lagta hai ki woh immature hai.

Aur kabhi-kabhi woh ek aisi baat bol deta hai jo seedha dil aur dimag dono ko hit kar jaati hai.

Aur aaj usne wahi kiya.

So I thought, let’s not talk about the past today—let’s talk about today instead.

Sometimes It Feels Like I’m Still Living in the Past

Sometimes It Feels Like I’m Still Living in the Past ( Today I Found Out That I Have PCOD )

Aaj main hospital gayi thi.

Aur aaj hi mujhe pata chala ki mujhe PCOD hai.

Sach kahun to mujhe na dar laga aur na hi panic hua.

Pata nahi kyu.

Bas itna laga ki theek hai, ye bhi life ka ek part hai.

Handle kar lungi.

Thoda time lagega, thodi mehnat lagegi, lekin theek ho jaungi.

Jab Shiv Ji saath hain, to phir itna dar kaisa?

Sometimes It Feels Like I’m Still Living in the Past ( A Beautiful Scene That Touched My Heart at the Hospital )

Hospital mein doctor se milne ke baad main labor room ke paas gayi thi.

Wahan maine ek bahut hi pyara moment dekha.

Ek lady pregnant thi aur agle din unki delivery hone wali thi. Unke husband unka haath pakad kar unhe samjha rahe the,

“Tension mat lo. Hamari bahut pyari si princess aane wali hai.”

Unke chehre ki khushi dekhkar meri aankhon mein bhi muskaan aa gayi.

Aisa lag raha tha jaise agar unke bas mein hota to woh doctor se kehte,

“Meri beti ko abhi mere haathon mein de do.”

Us waqt mujhe laga ki kitni khushnaseeb hoti hain woh betiyan jinke papa unke aane par utni hi khushi mehsoos karte hain jitni log aksar bete ke janm par karte hain.

I was telling all of this to RK, and after listening to me, he told me that..

He told me that if, after the delivery, a husband looks at his wife first, kisses her on the forehead, and cares about how she is doing, it means that his love is not only for the baby but also deeply for his wife.

Fulfilling someone’s responsibilities and loving someone are two completely different things.

Pata nahi ye baat kitni sach hai, lekin mujhe sun kar bahut accha laga.

Sometimes It Feels Like I’m Still Living in the Past ( I Hope to Find a Love Like That Someday )

Aur phir main sochne lagi…

Shiv Ji, mujhe bhi ek aisa hi life partner chahiye.

Jiski aankhon mein mujhe paane ki khushi dikhe.

Bilkul waise hi jaise aaj kal reels mein dekhte hain, jab bridal entry hoti hai aur dulhe ki aankhon mein aansu aa jaate hain.

Woh aansu sirf emotion ke nahi hote.

Woh us khushi ke hote hain ki jis ladki ko usne dil se chaha tha, aaj woh uski wife banne ja rahi hai.

Mujhe bhi wahi feeling chahiye.

Main khud ko itna layak banana chahti hoon ki jis insaan ko Shiv Ji ne meri kismat mein likha ho, uski aankhon mein bhi mujhe paane ki khushi nazar aaye.

Woh bhi dil se kahe,

“Finally, tum meri wife banogi.”

Waise aaj mera mood thoda alag hi chal raha hai.

Sach bolun to mujhe apni love life bahut romantic chahiye.

Shaadi ke baad kam se kam 6 mahine tak to mujhe job nahi karni.

Mujhe apne husband ke saath ghoomna hai, naye shehr dekhne hain, yaadein banani hain aur zindagi ke woh pal jeene hain jo dobara kabhi wapas nahi aate.

Aur mujhe lagta hai ki dil ke kisi kone mein har ladki aisa kabhi na kabhi zaroor sochti hai.

Mujhe ek aisa parivaar bhi chahiye jahan sirf rishta na ho, apnapan ho.

Meri saas ho, sasur ho, devar ho, nanad ho…

And I want to have such a beautiful bond with my mother-in-law that the two of us can team up and lovingly tease her son together.

Aur jab kabhi meri ladai mere husband se ho, to main seedha apni saas ke paas jaakar uski complaint kar doon. or vo uski bhut class le 

me unhe itna pareshan karun ki meri saas hi pareshaan ho jaaye.

Aur phir hans kar bole,

“Jab tu sasural jayegi tab tujhe pata chalega.”

Aur main hans kar jawab doon,

“Mummy ji, main to sasural mein hi hoon.”

Pata nahi kyun, lekin jab bhi main future ke baare mein sochti hoon, mujhe aisa ghar chahiye jahan mujhe bahu nahi, beti samjha jaaye.

Aur agar kabhi main apni single life ke baare mein sochun, to mujhe apna ghar chahiye, apni car chahiye aur apni ek alag pehchaan chahiye.

Aur pata hai?

Mujhe yakeen hai ki ek din main ye sab hasil kar lungi.

Sometimes It Feels Like I’m Still Living in the Past ( Marriage Is a Beautiful Yet Risky Gamble )

Shaadi ek jua lagta hai.

A gamble that brings both fear and excitement when you decide to play it

Kyuki agar sahi insaan mil gaya to zindagi khoobsurat ban jaati hai.

Aur agar galat insaan mil gaya to zindagi ka har din bojh lagne lagta hai.

Isi liye main Mahadev se bas itni si prarthana karti hoon—

Der se dena, lekin sahi insaan dena.

Kyuki hum jis society mein rehte hain, wahan ladkiyon ko zyada azaadi nahi milti. ek bar shaadi hogyi to use bhahr nikal bhut muskil hai 

Isliye jab bhi meri shaadi ho, mujhe aisa ghar mile jahan mujhe samjha jaaye, respect di jaaye aur pyar diya jaaye.

Baaki sab kuch main mehnat karke hasil kar lungi.

Bas Mahadev, meri kismat mein ek accha insaan likh dena.

Sometimes It Feels Like I’m Still Living in the Past ( Final Thought )

Kabhi-kabhi hum past mein isliye atke rehte hain kyuki hum future ko lekar bahut saare sapne dekhte hain.

Lekin shayad zindagi ka asli maza tab hai jab hum past se seekhein, present ko jeeyein aur future ko Mahadev par chhod dein.

Aur main bhi ab wahi seekh rahi hoon… dheere-dheere. ❤️

Related Posts

• 365 Days Self-Love Journey – A New Beginning
• Friendship and Relationships and the Truth About Life
• Why Are Household Responsibilities Still Seen as a Womans Duty
• My First Trip to Khatu Shyam The Journey That Changed My Life
• Why Are Overthinkers So Hard to Understand
• What Is Love? Sacrifice and Adjustment or Something More?