Why Are Overthinkers So Hard to Understand:- Overthinking koi habit nahi hai jo koi insaan jaan-bujhkar choose karta hai. It’s something that happens when your heart and mind are fighting a battle that nobody else can see.
Kai log sochte hain ki Overthinkers chhoti-chhoti baaton ko bahut bada bana dete hain. Sach to yeh hai ki hum jaan-bujhkar aisa nahi karte. Bas hamara dil aur dimag kai baar hamare control mein nahi rehte.
Jab tak koi hume sun na le, samajh na le, ya bas itna na keh de,
“Main hoon na, sab theek ho jayega.”
Tab tak hamare mind mein chal rahe questions shant nahi hote.
Jab mujhe overthinking hoti hai, to aisa lagta hai jaise mera mind completely block ho gaya ho.
Main khud ko sambhalne ki poori koshish karti hoon, but sometimes aisa bhi lagta hai ki agar maine khud ko nahi sambhala to main toot jaungi.
Aise time mein main Shiv Ji ke paas jaati hoon.
Unke saamne baith kar roti hoon, unse baatein karti hoon aur kehti hoon,
“Shiv Ji, please mujhe sambhal lijiye.”
Aur pata nahi kyu, lekin unke paas jaate hi dil ka bojh halka hone lagta hai.
Why Are Overthinkers So Hard to Understand
Why Are Overthinkers So Hard to Understand ( Har Koi Overthinker Ko Nahi Samajh Sakta )
Maine life mein ek baat seekhi hai ki har insaan Overthinker ko nahi samajh sakta.
Especially woh log nahi jo emotions se zyada sirf logic aur practical thinking ko importance dete hain.
Kyuki Overthinker ke mind mein ek saath hundreds of questions chal rahe hote hain.
Agar koi unse thodi si bhi loud voice mein baat kar de, to unke mind mein turant questions aane lagte hain—
“Kya mujhse koi galti ho gayi?”
“Kya main bura insaan hoon?”
“Kya woh mujhse naraz hai?”
“Kya woh mujhe chhod dega?”
Ek simple si baat bhi unke andar storm create kar sakti hai.
Lekin iska matlab yeh nahi ki unhe handle karna difficult hai.
Unhe sirf thoda sa love, thoda sa patience aur thoda sa time chahiye hota hai.
Why Are Overthinkers So Hard to Understand ( Overthinker Ki Sabse Beautiful Baat )
Overthinkers ki sabse achhi baat yeh hoti hai ki woh un logon ko kabhi nahi bhoolte jinhe unhone kabhi dil se pyaar kiya ho. It has both positive and negative sides.
Life mein bahut log aate hain.
Lekin kuch logon ki jagah koi nahi le pata.
Kaha jata hai ki kisi ki jagah koi nahi le sakta, kyuki har insaan apni jagah khud banata hai.
Meri life mein bhi bahut log aaye.
Lekin ek insaan ki jagah aaj tak koi nahi le paya.
Main use yaad nahi karna chahti.
Lekin jab bhi main akeli hoti hoon ya sad feel karti hoon, pata nahi kyu mera mind usi ki taraf chala jata hai.
Bhale hi usne mujhe bahut rulaya ho.
Meri feelings ko hurt kiya ho.
Promises tod diye ho.
Lekin phir bhi dil use poori tarah bhool nahi paya.
Maine use bhoolne ke liye kai logon se baat karne ki koshish ki.
Lekin main kisi se bhi 10 din se zyada connect nahi kar paayi. but I know that one day I will move on completely.
Why Are Overthinkers So Hard to Understand? ( Pyaar Hume Kya Sikhata Hai? )
Pyaar hume bahut kuch sikhata hai.
Jab hum love mein hote hain, to lagta hai ki duniya mein love se beautiful kuch nahi.
Lekin wahi love kabhi-kabhi yeh bhi sikha deta hai ki love se zyada painful bhi kuch nahi hota.
Isliye jab bhi kisi ko apni life ke liye choose karo, sirf uska face ya looks mat dekho.
Yeh bhi dekho—
Kya woh tumhari baatein sunta hai?
Kya woh tumhe samajhne ki koshish karta hai?
Kya woh tumhare dreams ki respect karta hai?
Kya woh tumhari growth mein tumhara support karta hai?
Kyuki ek good partner woh nahi hota jo sirf good times mein saath rahe.
A good partner woh hota hai jo tumhare worst phase mein bhi tumhara haath na chhode.
Why Are Overthinkers So Hard to Understand? ( Shiv Ji Par Mera Vishwas )
Meri life mein pyaar ne mujhe bahut hurt kiya hai.
Lekin usi pain ne mujhe Shiv Ji ke aur close bhi la diya.
Aaj jab bhi main Shiv Ji ko dekhti hoon, to dil mein ek hope jagti hai ki ek din koi aisa insaan zaroor aayega jo mujhe samjhega.
Meri overthinking ko samjhega.
Mujhe change karne ki koshish nahi karega.
Balki mujhe waise hi accept karega jaisi main hoon.
Jaise Mahadev ne Maa Parvati ke pyaar aur samarpan ka respect kiya, waise hi mujhe bhi umeed hai ki ek din meri life mein koi aisa aayega jo mere dil ko samjhega, mere aansuon ko samjhega aur mere saath khada rahega.
Tab tak mera sirf ek hi belief hai—
Mahadev jo karte hain, sahi waqt par karte hain. ❤️
Final Thought
Overthinking koi choice nahi hoti.
Aur overthinkers weak bhi nahi hote.
Bas unka dil thoda zyada mehsoos karta hai.
Aur kabhi-kabhi jo log sabse zyada sochte hain, wahi log sabse zyada pyaar bhi karte hain. ❤️
NOTE:- Agar aap bhi overthinker ho aur meri baaton se thoda bhi relate kar paaye ho, to comment mein zaroor bataana. Shayad hum sab ek jaisi feelings se guzar rahe hain. ❤️
Leave a Reply